മലപ്പുറം ജില്ലപഞ്ചായത്ത്
വിജയഭേരി വിദ്യാഭ്യാസപദ്ധതി
തദ്ദേശ സ്വയംഭരണ സ്ഥാപനങ്ങള്ക്ക് വികസന പദ്ധതികള് ആസൂത്രണം ചെയ്യുന്നതിനും നടപ്പിലാക്കുന്നതിനുമുള്ള അധികാരം കൈമാറിക്കൊണ്ട് 1996ല് നടപ്പിലാക്കിയ വികേന്ദ്രീകൃത ആസൂത്രണ പദ്ധതിയായ ജനകീയ ആസൂത്രണത്തിലൂടെ ലഭിച്ച അധികാരത്തെ വിദ്യാഭ്യാസ മേഖലയില് പ്രത്യേകിച്ച്അക്കാദമികമേഖലയില് എങ്ങനെ ഫലപ്രദമായി ഉപയോഗിക്കാം എന്നതിന്റെ മികച്ച ഉദാഹരണമാണ് മലപ്പുറം ജില്ലാ പഞ്ചായത്ത് 2001-2002 വര്ഷം മുതല് നടപ്പിലാക്കിവരുന്ന വിജയഭേരി വിദ്യാഭ്യാസ പദ്ധതി.
1969 ജൂണ് 16നാണ് മലപ്പുറം ജില്ല രൂപീകൃതമായത്. ജനസംഖ്യ കൊണ്ട് കേരളത്തില് ഒന്നാം സ്ഥാനത്തും വിസ്തൃതി കൊണ്ട് കേരളത്തില് മൂന്നാം സ്ഥാനത്തുമാണ് മലപ്പുറം ജില്ല. 2011ലെ സെന്സസ് പ്രകാരം 4112920 പേര് ജില്ലയില് അധിവസിക്കുന്നു. കേരളത്തിലെ മറ്റ് പ്രദേശങ്ങളുമായി താരതമ്യം ചെയ്യുമ്പോള് വിദ്യാഭ്യാസപരമായി ഏറ്റവും പുറകില് നില്ക്കുന്ന പ്രദേശമാണ് മലപ്പുറം. കേരള സംസ്ഥാന രൂപീകരണത്തിനു ശേഷം ഈ പിന്നോക്കാവസ്ഥ മാറ്റുന്നതി
1956ല് കേരള സംസ്ഥാന രൂപീകരണത്തിന് ശേഷം വിദ്യാഭ്യാസ പുരോഗതി ലക്ഷ്യം വെച്ചുകൊണ്ട് നിരവധി സ്കൂളുകള് സ്ഥാപിക്കുകയുണ്ടായി. മുസ്ലിം വിദ്യാര്ത്ഥികളെ ആകര്ഷിക്കുന്നതിനായി പല സ്കൂളുകളിലും വെള്ളിയാഴ്ചയും റംസാന് മാസവും അവധി നല്കിക്കൊണ്ടുള്ള മാപ്പിള കലണ്ടറും അനുവദിച്ചു. എങ്കിലും സംസ്ഥാനത്ത് വിദ്യാഭ്യാസപരമായി ഏറ്റവും പുറകില് നില്ക്കുന്ന പ്രദേശമായി തന്നെ ഈ പ്രദേശം നിലകൊണ്ടു.1969ല് മലപ്പുറം ജില്ല രൂപീകൃതമായതിനു ശേഷം എല്ലാ മേഖലയിലും വികസന മുന്നേറ്റം ഉണ്ടായി. 1980–90കളിലെ ഗള്ഫ് കുടിയേറ്റം ജില്ലയുടെ സാമ്പത്തിക അഭിവൃദ്ധിക്ക് വഴിവച്ചു. വിദേശരാജ്യങ്ങളില് എത്തിപ്പെട്ടവര്ക്ക് വിദ്യാഭ്യാസത്തിന്റെ പ്രാധാന്യം ബോധ്യപ്പെട്ടു. തങ്ങളുടെ അടുത്ത തലമുറയെങ്കിലും മികച്ച വിദ്യാഭ്യാസം നേടണമെന്ന അവരുടെ ആഗ്രഹവും വിവിധ രാഷ്ട്രീയ സന്നദ്ധ സേവന സംഘടനകളുടെ പ്രവര്ത്തനങ്ങളും വിദ്യാഭ്യാസ മേഖലയില് പുത്തനുണര്വുണ്ടാക്കി. ഇതേ അവസരത്തില് തന്നെയാണ് കേരളത്തില് സമ്പൂര്ണ്ണ സാക്ഷരതാ യജ്ഞം ആരംഭിക്കുന്നത്. സംസ്ഥാനത്ത് ഏറ്റവും കൂടുതല് നിരക്ഷരര് ഉണ്ടായിരുന്ന മലപ്പുറം ജില്ല 1990 നടന്ന സാക്ഷരത പ്രവര്ത്തനങ്ങളെ പൂര്ണാര്ത്ഥത്തില് ഏറ്റെടുത്തു. മറ്റു ജില്ലകളില് നിന്ന് വ്യത്യസ്തമായി കക്ഷി രാഷ്ട്രീയ ഭേദമന്യേ എല്ലാവരും സാക്ഷരത പ്രവര്ത്തനങ്ങളില് മുഴുകിയത് ജില്ലയില് വിദ്യാഭ്യാസ രംഗത്ത് പുതിയ ഓളങ്ങള് സൃഷ്ടിച്ചു.
എങ്കിലും മറ്റു ജില്ലകളുമായി താരതമ്യം ചെയ്യുമ്പോള് സ്കൂള് വിദ്യാഭ്യാസത്തിലും ഉപരിപഠന മേഖലയിലും ജില്ല ഏറെ പുറകിലായിതന്നെനിന്നു. വിവാഹ പ്രായം ഏറ്റവും കുറഞ്ഞ ജില്ല, ശിശു മരണനിരക്ക് ഏറ്റവും കൂടുതലുള്ള ജില്ല, ആളോഹരി വരുമാനം ഏറ്റവും കുറഞ്ഞ ജില്ല, ജനസംഖ്യാനുപാതികമായി ഏറ്റവും കുറഞ്ഞ സര്ക്കാര് ഉദ്യോഗസ്ഥര് ഉള്ള ജില്ല, എസ്.എസ്.എല്.സി പ്ലസ് ടു റിസള്ട്ട് ഏറ്റവും കുറഞ്ഞ ജില്ല സ്കൂള് തലത്തില് ഏറ്റവും കൂടുതല് കൊഴിഞ്ഞു പോക്കുള്ള ജില്ല, സംസ്ഥാനത്ത് ഏറ്റവും കുറഞ്ഞ ജി.ഇ.ആര് (ഗ്രോസ് എന്റോള്മെന്റ് റേഷ്യോ) ഉള്ള ജില്ല,..... ഇങ്ങനെ എല്ലാ അര്ത്ഥത്തിലും പിന്നോക്കമായിരുന്നു മലപ്പുറം ജില്ല.
1998ല് സംസ്ഥാനത്ത് എസ്.എസ്.എല്.സി പരീക്ഷയില് 55% വിദ്യാര്ത്ഥികള് പാസായപ്പോള് മലപ്പുറം ജില്ലയുടെ റിസള്ട്ട് 30.23% ആയിരുന്നു. 2000ല് സംസ്ഥാനത്ത് 56.18 ശതമാനം വിജയം കണ്ടപ്പോള് മലപ്പുറം ജില്ലയിള് 32 ശതമാനവും 2001ല് സംസ്ഥാനത്ത് 56.2ശതമാനം റിസള്ട്ട് അപ്പോള് മലപ്പുറം ജില്ലയില് 33.24 ശതമാനവും മാത്രമായിരുന്നു എസ്.എസ്.എല്.സി റിസള്ട്ട്. സംസ്ഥാനത്ത് എസ്.എസ്.എള്.സി റിസള്ട്ടിലും പ്ലസ്ടു റിസള്ട്ടിലും
എസ്.എസ്.എല്.സി റിസള്ട്ട് വര്ദ്ധിപ്പിക്കുക എന്നതാണ് പ്രധാന ലക്ഷ്യമായി അവതരിപ്പിച്ചതെങ്കിലും കേവലം പരീക്ഷയ്ക്ക് വിദ്യാര്ത്ഥികളെ സന്നദ്ധരാക്കുക എന്നതിലുപരി ജില്ലയുടെ സമഗ്ര വിദ്യാഭ്യാസ പുരോഗതി ലക്ഷ്യം വെച്ചു കൊണ്ടുള്ള വിവിധ തരത്തിലുള്ള പ്രവര്ത്തനങ്ങള് ജില്ലയില് ഉടനീളം പദ്ധതിയുടെ ഭാഗമായി നടത്തുകയുണ്ടായി. സാധാരണ വിദ്യാഭ്യാസ വകുപ്പ് നടത്തുന്ന പരിശീലനങ്ങളേക്കാളുപരി അധ്യാപകരില് നേതൃ പാഠവം, പ്രവര്ത്തന സന്നദ്ധത, മനോഭാവങ്ങളുടെ മാറ്റം, മെന്ററിംങ് കൗണ്സിലിംഗ്, എന്നിവയില് പരിശീലനങ്ങള് നല്കി. എല്ലാ ഹൈസ്കൂളിലും പദ്ധതിക്കായി പ്രത്യേക കമ്മിറ്റികള് രൂപീകരിച്ചു. പിടിഎ ഭാരവാഹികള്ക്ക് പ്രത്യേക ശില്പശാലകള് നടത്തി. ഒപ്പം തദ്ദേശസ്വയംഭരണ സ്ഥാപനങ്ങളിലെ തെരഞ്ഞെടുക്കപ്പെട്ട അംഗങ്ങള്ക്ക് പ്രത്യേക പരിശീലങ്ങള് നള്കി. എല്ലാ ഗ്രാമ / ബ്ലോക്ക് പഞ്ചായത്തുകളെയും വിജഭേരി പദ്ധതിയുടെ പ്രവര്ത്തനങ്ങളില് പങ്കാളികളാക്കി. രക്ഷിതാക്കള്ക്ക് ഉണര്വ് എന്ന പേരില് പ്രത്യേക വിദ്യാഭ്യാസ ബോധവള്ക്കരണ കാമ്പയിനു
പദ്ധതിയുടെ തുടര്ച്ചയെന്നോണം ഹയര് സെക്കണ്ടറി തലത്തിലും വിവിധ പ്രവര്ത്തനങ്ങള് വിജയഭേരി പദ്ധതിയുടെ ഭാഗമായി നടപ്പിലാക്കികൊണ്ടിരിക്കുന്നു.
ഇന്ന് ജില്ലയിലെ എല്ലാ തദ്ദേശ സ്വയംഭരണ സ്ഥാപനങ്ങള്ക്കും വിവിധ പേരുകളില് പ്രത്യേക വിദ്യാഭ്യാസ പദ്ധതികളുണ്ട്. എം.എല്.എ മാര്ക്ക് തനത് വിദ്യാഭ്യാസ പ്രവര്ത്തനങ്ങളുണ്ട്. ഈ കഴിഞ്ഞ കേന്ദ്ര സര്കലാശാല പ്രവേശന പരീക്ഷയ്ക്ക് സംസ്ഥാനത്ത് ഒരു ജില്ലാ പഞ്ചായത്ത് പ്രത്യേക പരിശീലനം നല് കിയത് മലപ്പുറത്ത് മാത്രമായിരുന്നു. മലപ്പുറത്തെ മുനിസിപ്പാലിറ്റികളും ഗ്രാമപഞ്ചായത്തുകളും എം.എല്.എ മാരും ഇത്തരം പരീക്ഷകള്ക്ക് പരിശീലനം നല്കുന്നു. ഇതെല്ലാം 2001-2002ല് മലപ്പുറം ജില്ലാ പഞ്ചായത്ത് തുടങ്ങിവച്ച വിജയഭേരി പദ്ധതിയുടെ തുടര്ച്ചയാണ്.
ജില്ലയുടെ എസ്.എസ്.എല്.സി റിസള് ട്ട് വിജയഭേരിക്ക് മുമ്പ്
1999 - 30.23%
2000 - 32%
2001 - 33.24%
വിജയഭേരി പദ്ധതിക്ക് ശേഷം
2002 - 41.23%
2003 - 48.44%
2004 - 58.77%
2005 - 56.63%
2006 - 61.91%
2007 - 76.29%
2008 - 87.09%
2009 - 86.67%
2010 - 86.97%
2011 - 88.52%
2012 - 92.11%
2013 - 91.43%
2014 - 95.48%
2015 - 95.83%
2016 - 95.84%
2017 - 95.53%
2018 - 97.76%
2019 - 97.86%
2020 - 98.65%
2021 - 99.39%
2022 - 99.32%